- info@emmebiitalia.al
- 0692050375
- 0692050385
- Hene-Shtune: 09:00 - 18:00
- Shkoder 4001, Albania
8 MODELE VERORE PËR FLOKË KAÇURRELA DHE TË DREJTA
A keni zgjedhur tashmë se cilat modele flokësh do të shfaqni këtë verë 2022? Nëse nuk i keni kapur ende tendencat më të fundit, mos u shqetësoni sepse ne kemi 8 modele flokësh verore për flokë kaçurrela të drejta për t’ju sugjeruar për jetën në qytet dhe në pushime.
Falë këshillave të ekspertëve të stilistëve tanë të rinj Marco Ruggeri dhe Elisa Gorini, ju nevojiten vetëm produktet e duhura dhe pak praktikë për të krijuar një pamje për çdo rast: nga mëngjesi në hotel deri te një drekë biznesi, nga një aperitiv në qytet te një darkë romantike në plazh.
Me këto 8 modele flokësh verore për flokë kaçurrelë dhe të drejtë, do të keni gjithmonë një pamje të rregulluar dhe flokë të hapur larg fytyrës (dhe pasojave të vapës).
1. Gërshetat Baby Beach Ocean
nga Marco Ruggeri, Emmebi Italia Junior Hairstylist
FLOKË TË DREJTË OSE TË VALËZUAR
1) Aplikoni në flokë të tharë me peshqir, në rrënjë dhe në gjatësi, Spray-n volumizues GATE 05 OCEAN VOLUME UP me Kolagjen Detar , i cili i jep më shumë dendësi dhe hidratim flokëve. Pastaj vazhdoni me tharjen normale.
2) Në flokë të thatë, aplikoni mbrojtësin ndaj nxehtësisë GATE 09 THERMOR PROTECTOR dhe krijoni Beach Waves me mashë (d.m.th. Valëzimin e butë), më pas uleni kokën poshtë dhe përdorni një krehër me dhëmbë të gjerë ose gishtat për t’i “hapur”.
3) Merrni një tufë të vogël flokësh në ballë, një në secilën anë dhe aplikoni një sasi të vogël dylli-xhel GATE 18 OCEAN CERAGEL me Ekstrakte të Lisit dhe Likenit Detar përpara se të bëni dy gërsheta të imta në mënyrë që ato të jenë më kompakte dhe të fiksuara mirë.
4) Vetëm gjatë verës: aplikoni në të gjithë flokët një sasi të vogël të kremit hidratues mbrojtës me Kolagjen Detar GATE 02 OCEAN SPA THERAPY CREAM për të eliminuar elektrizimin dhe për t’i bërë flokët të butë gjatë gjithë ditës.
5) Së fundi, fiksoni modelin e flokëve me llakun e flokëve me fiksim mesatar GATE 11 OCEAN HAIR SPRAY MEDIUM.
FLOKË KAÇURRELA
Nuk keni nevojë të krijoni Beach Waves, ju mund t’i përmirësoni kaçurrelat tuaja natyrale duke aplikuar në rrënjë Spray-n volumizues GATE 05 OCEAN VOLUME UP dhe në gjatësi Lëngun modelues GATE 04 OCEAN DEFINER CURLS me Keratin Bimore dhe Alga Deti që ndihmon në përmirësimin elasticitetit të kaçurrelave dhe i mbron ato nga nxehtësia dhe elektrizimi. Më pas thajini flokët me kokë poshtë me difuzor si zakonisht dhe vazhdoni me hapat e tjerë të modelit të flokëve.
2.Gërshetat Boxer Ocean
nga Marco Ruggeri, Emmebi Italia Junior Hairstylist
FLOKË TË DREJTË OSE TË VALËZUAR
1) Për t’i kontrolluar më të shumë: përpara tharjes, në flokë të lagur dhe të krehur, aplikoni Shkumën e butë GATE 06 OCEAN MOUSSE SOFT me Ekstrakt të Algave Wakame dhe Alga Palmaria, ajo jep kontroll dhe mbështetje më të madhe gjatë realizimit të gërshetave pa ulur volumin. Vazhdoni me tharjen ose lërini të thahen në diell.
2) Ndani kokën në dy seksione duke përdorur një krehër dhe krijoni dy gërsheta siç tregohet në KËTË VIDEO.
3) Aplikoni Llakun e flokëve GATE 11 OCEAN HAIR SPRAY MEDIUM me Alga Wakame, Alga Red Palmaria dhe Alga Nori , për të fiksuar modelin duke i hidratuar flokët pa i rënduar.
FLOKË KAÇURRELA
Për një efekt “më të butë dhe më natyral” të këtij stilimi veror, pas tharjes normale të kaçurrelave, aplikoni një sasi të vogël Kremi mbrojtës GATE 02 OCEAN SPA THERAPY CREAM në gjatësitë dhe majat për t’i bërë flokët më të shndritshëm dhe më të butë (hapi 1 ) .
Ndërsa, për një efekt më “të tërhequr”, zgjidhni dyllin xhel GATE 18 OCEAN CERAGEL i cili ju ndihmon të kontrolloni elektrizimin dhe flokët më të shkurtër në rrënjë (hapi 1).
Pastaj vazhdoni me hapat e mëtejshëm si më sipër.
3.Topuz i çrregullt Ocean
nga Marco Ruggeri, Emmebi Italia Junior Hairstylist
FLOKË TË DREJTË OSE TË VALËZUAR
1) Në flokë të thatë e të krehur, aplikoni nga rrënja deri te majat, Pluhurin për volum GATE 25 OCEAN MATT VOLUMIZING POWER me Kolagjen Detar dhe Algë Spirulina, për t’i dhënë flokëve më shumë kompaktësi, mbështetje dhe volum.
2) Lërini të lira tufat përreth fytyrës dhe duke krehur flokët krijoni një bishtalec të ulët. Përdredhni flokët dhe krijoni një topuz duke e fiksuar mirë me karfica.
3) Përdorni mashën për t’i dhënë lëvizje tufave të flokëve në ballë dhe më pas spërkatini me llakun e flokëve GATE 11 OCEAN HAIR SPRAY MEDIUM për të fiksuar modelin e flokëve.
FLOKË KAÇURRELA
Në hapin 1, thajini kaçurrelat tuaja si zakonisht, më pas aplikojeni Pluhurin Volumizues GATE 25 OCEAN MATT VOLUMIZING POWDER në të gjithë flokët pa i krehur. Vazhdoni me hapat 2 dhe 3 si më sipër.
4.Bishtalec me Gërsheta Ocean
nga Elisa Gorini, Emmebi Italia Junior Hairstylist
FLOKË TË DREJTË OSE TË VALËZUAR
1) Në flokë të tharë me peshqir, aplikoni Kremin Mbrojtës GATE 02 OCEAN SPA THERAPY CREAM me Kolagjen Detar dhe vazhdoni me tharjen normale.
2) Krehni flokët dhe aplikoni në rrënjë Dyllin xhel GATE 18 OCEAN CERAGEL me Ekstrakte Lisi Deti dhe Liken Deti , të cilat fiksojnë dhe i japin stilimit një efekt të lagësht.
3) Krehni flokët prapa me një furçë me fije të buta dhe lidhni flokët në një bishtalec. (Për të fshehur llastikun, mund të përdorni një fije floku, ta rrotulloni mbi llastik dhe ta fiksoni me një karficë.)
4) Merrni flokët dhe bëni një gërshetë duke e mbyllur mirë me një llastik. Fiksoni modelin e flokëve me llakun GATE 11 OCEAN HAIR SPRAY MEDIUM.
5) Së fundi, zbukuroni Bishtalecin tuaj me Gërsheta Ocean me një aksesor në modë si kjo fjongo garze i CLAIRE’S.
FLOKË KAÇURRELA
Ndiqni të njëjtat hapa të mësipërm duke përdorur një sasi më të madhe dylli-xhel GATE 18 OCEAN CERAGEL për të menaxhuar më mirë elektrizimin dhe për të mbajtur flokët të tendosur.
5.Topuzë me Gërsheta Ocean
nga Elisa Gorini, Emmebi Italia Junior Hairstylist
FLOKË KAÇURRELA
1. Në flokë të tharë me peshqir dhe të krehu , aplikoni nga rrënja deri në majë, Lëngun Modelues GATE 04 OCEAN DEFINER CURLS me Keratinë Bimore dhe Alga Deti që rrit elasticitetin e kaçurrelave dhe i mbron ato nga nxehtësia dhe elektrizimi. Thajini me difuzor derisa flokët të jenë tharë plotësisht.
2. Me një krehër, krijoni katër seksione prej rreth 2 cm që shkojnë nga balli deri në majë të kokës, siç tregohet në KËTË VIDEO.
3. Aplikoni në çdo seksion Xhelin GATE 16 OCEAN GEL STRONG me bazë Lisi dhe Likeni Detar dhe krehni. Bëni dy gërsheta me flokët e pjesëve qendrore dhe dy torchon me flokët e pjesëve më të jashtme derisa të arrini majën e kokës. Sigurojini ato me karfica dhe llastikë.
4. Tani përdorni flokët e mbetur (ato nga llastiku deri te majat) në secilën anë të kokës për të krijuar një topuz të cilin do ta fiksoni me karfica.
5. Së fundi, fiksoni Topuzët tuaj me Gërsheta Ocean me Llakun e flokëve GATE 11 OCEAN HAIR SPRAY MEDIUM me Alga Deti Wakame, Alga Deti Red Palmaria dhe Alga Deti Nori.
FLOKË TË DREJTË
1. Para se të shkoni në shtrat, aplikoni GATE OCEAN 05 VOLUME UP deri në gjatësi, merrni një tufë dhe rrotullojeni. Bëni një topuz të madh me tufën e përdredhur dhe përsëritni dy hapat e parë 4-5 herë. Kur të zgjoheni, hiqni topuzët dhe zgjidhni flokët me gishta.
2. Më pas vazhdoni me hapat e tjerë si më sipër.
6. Kaçurrela & Kapëse Ocean
nga Elisa Gorini, Emmebi Italia Junior Hairstylist
FLOKË KAÇURRELA
1. Në flokë të tharë me peshqir dhe të krehur , aplikoni në gjatësi Lëngun Modelues GATE 04 OCEAN DEFINER CURLS me Keratinë Bimore dhe Alga Deti , gjë që rrit elasticitetin e kaçurrelave dhe i mbron ato nga nxehtësia dhe elektrizimi. Thajini me difuzor, me kokë poshtë, pa i prekur me duar (nxehtësia e duarve mund ta largojë produktin) dhe vazhdoni derisa të thahen plotësisht.
2. Krijoni një ndarje të ulët me një krehër në anën e kokës që preferoni.
3. Aplikoni në anën e kokës ku do të aplikoni kapëset pak Shkumën e butë GATE 06 OCEAN MOUSSE SOFT me Ekstrakt të Algave të Detit Wakame dhe Alga Deti Palmaria për të “tërhequr” flokët prapa.
4. Aplikoni Kapëset që ju pëlqejnë më shumë, si Snan Clips të CLAIRE’S.
FLOKË TË DREJTË
1. Nëse keni flokë “bob” dhe dëshironi një efekt drejtues e të rregullt, spërkatni në pëllëmbën e dorës Kremin Shkumë Hidratuese BEAUTY EXPERIENCE MOUSSE CREAM dhe, me një krehër, shpërndajeni produktin në gjatësinë e flokëve të lagur përpara se të vazhdoni me tharjen. Kremi Shkumë Beauty Experience Mousse Cream përmban Jargë Kërmilli dhe do t’i japë flokëve tuaj një stilim me shkëlqim dhe plot jetë.
2. Nëse keni flokë të gjatë dhe dëshironi një efekt drejtues e të rregullt, në flokë të lagur spërkatni 10 herë në të gjitha gjatësitë, tufë pas tufe. Krehni dhe vazhdoni me tharjen.
3. Në fund të stilimit, pavarësisht nëse keni flokë të gjatë apo “bob”, aplikoni Spray-n për Shkëlqim GATE 15 OCEAN SHINE SPRAY me Kolagjen Detar, Alga Spirulina dhe Alga Palmaria, për një efekt super të shndritshëm dhe elegant.
4. Në fund të stilimit, aplikoni kapëset që ju pëlqejnë më shumë, si Snap Clips të CLAIRE’S.
7.Shirit Koke në Kaçurrela Ocean
nga Elisa Gorini, Emmebi Italia Junior Hairstylist
FLOKË KAÇURRELA
1. Në flokë të tharë me peshqir dhe të krehur , aplikoni në gjatësi Lëngun Modelues GATE 04 OCEAN DEFINER CURLS me Keratinë Bimore dhe Alga Detit dhe thajini me difuzor, me kokë poshtë, derisa flokët të jenë tharë plotësisht. Nëse dëshironi një kaçurrel “më të butë”, zgjidhni Shkumën e butë GATE 06 OCEAN MOUSSE SOFT me Ekstrakt të Algave Wakame dhe Algave Palmaria.
2. Vishni Shiritin apo Fashën si rreth koke, duke lidhur majat pas qafës dhe duke lënë të lira disa tufa të përparme.
FLOKË TË DREJTË
1. Në flokë të tharë me peshqir dhe të krehur , aplikoni në gjatësi Shkumën e butë GATE 06 OCEAN MOUSSE SOFT nga smajat drejt rrënjëve. Pasi ta aplikoni, përsërisni të njëjtën lëvizje 2/3 herë dhe lërini flokët të thahen vetë për një efekt edhe më natyral.
2. Vishni Shiritin apo Fashën si rreth koke, duke lidhur majat pas qafës dhe duke lënë të lira disa tufa të përparme.
8.Gërsheta Gjysmë-lart me lule Ocean
nga Elisa Gorini, Emmebi Italia Junior Hairstylist
FLOKË TË DREJTË OSE TË VALËZUARA
1. Aplikoni në flokë të tharë me peshqir kremin GATE 02 OCEAN SPA THERAPY me Kolagjen Deti . Vazhdoni me tharjen dhe nëse është e nevojshme krijoni valëzime të buta me mashë të cilat do t’i “hapni” më vonë me ndihmën e një krehri me dhëmbë të gjerë. Formula e veçantë ruan lëngjet e nevojshme për hidratimin e flokëve, duke refuzuar ato të tepërtat. Ideale për të gjitha llojet e flokëve, është i përshtatshëm si për modele flokësh të drejtë ashtu edhe për flokë kaçurrelë.
2. Bëni një ndarje qendrore dhe krijoni në ballë dy tufa të vogla , një në secilën anë (të cilat do t’i lini të lira). Merrni edhe dy tufa të tjera dhe filloni të bëni gërsheta (një në secilën anë) SIÇ TREGOHET NË VIDEO.
3. Lidhni dy gërshetat në pjesën e pasme me një llastik trasparent dhe përdorni një tufë flokësh për ta fshehur duke e përdredhur mbi të dhe duke e siguruar me një karficë.
4. Rregulloni modelin e flokëve me Llakun GATE 11 OCEAN HAIR SPRAY MEDIUM.
5. Së fundi, shtoni në gërsheta një detaj si këto HAIR PINS të CLAIRE’S.
FLOKË KAÇURRELA
1. Aplikoni në flokë të tharë dhe të krehur me peshqir Lëngun Modelues GATE 04 OCEAN DEFINER CURLS me Keratinë Bimore dhe Alga Deti . Ndani flokët në mes dhe thajini me kokë poshtë me një difuzor derisa flokët të jenë tharë plotësisht.
2. Krijoni dy tufa të vogla në ballë, një në secilën anë (të cilat do t’i lini të lira). Më pas merrni dy fije të tjera, vendosni mbi to një sasi të vogël të dyllit-xhel GATE 18 OCEAN CERAGEL dhe krehini. Filloni të bëni gërshetat siç tregohet në video.
Vazhdoni me hapat e tjerë si më sipër.
