Epoka e skinifikimit ka filluar edhe në përkujdesjen e flokëve: trendi i flokëve 2021 që kujdeset për lëkurën e kokës.

Vitet e fundit jemi bërë gjithnjë e më kërkues në zgjedhjen e produkteve për rutinën tonë të përditshme. Kjo sepse, falë Covid-it, ne po zbulojmë kujdesin për lëkurën dhe për flokët, si dhe për ushqyerjen, një mjet të vërtetë për t’i kushtuar më shumë kohë dhe më shumë vëmendje kujdesit për veten tonë.

Gjithashtu në botën e përkujdesjes ndaj flokëve, produktet janë bërë më specifike për llojin e flokëve dhe nevojat e lëkurës së kokës me anë të formulave të pasuruara me përbërës të çmuar, përbërës aktivë shumë efikas dhe mundësisht natyralë dhe që respektojnë mjedisin.

Nuk është rastësi që, në këtë kontekst historik dhe social, të lindi skinifikimi , pra një rutinë më e plotë bukurie e përbërë nga produkte transversale dhe multitasking të përshtatshme si për lëkurën e fytyrës, ashtu edhe për flokët dhe trupin.

Çfarë do të thotë të ndjekësh skinifikimin në përkujdesjen ndaj flokëve?

Në përkujdesjen ndaj flokëve, me fjalën “skinifikim” nënkuptohen formula të sofistikuara që përfshijnë ingredientë dhe përbërës aktivë që përdoren normalisht në produktet e përkujdesjes ndaj lëkurës. Jo vetëm kaq, në konceptin e skinifikimit, rutina e përkujdesjes ndaj flokëve zgjerohet duke përfshirë produkte që kujdesen edhe për lëkurën dhe mund të përdoren gjithashtu në fytyrë.

Në fakt, skalpi dhe fytyra kanë të njëjtat veçori pasi që të dyja ekspozohen çdo ditë ndaj baktereve, smogut, sebumit të tepërt apo mbetjeve të produkteve që i mbytin, duke i prishur pamjen dhe gjendjen e tyre shëndetësore. Kujdesi i pamjaftueshëm ndaj skalpit të kokës mund të na ekspozojë ndaj anomalive të lëkurës si: rënia e flokëve, skalpi i yndyrshëm ose zbokthi.

Skinifikimi na mëson se sot nuk mjafton më të kemi produkte cilësore për pastrim dhe hidratim, por duhet të fillojmë nga lëkura e kokës duke e eksfoluar, hidratuar dhe ushqyer me përbërës me vlerë.

Zbuloni rutinën e re të flokëve falë skinifikimit

Ky ndërgjegjësim i ri për rëndësinë e përkujdesjes ndaj lëkurës e kokës na drejton për te linja jonë Fito-Holistike BIONATURE: 100% natyrale dhe vegane, e pasur me ingredientë dhe përbërës aktivë me prejardhje nga Natyra, e cila kujdeset për llojet e ndryshme të lëkurës.

Pikërisht nga linja Bionature, ne ju ofrojmë një rutinë flokësh 2.0 që është plotësisht në përputhje me trendin e skinifikimit për vitin 2021, e cila i shton rutinës së zakonshme një fazë fillestare përgatitore të skalpit të aftë për të rritur përthithjen dhe efektivitetin e produkteve të mëvonshme.

Produktet Bionature na lejojnë të përmirësojmë ekuilibrin e skalpit të kokës me tre produkte të ndryshme, bazuar në anomalinë që paraqet lëkura, konkretisht: shkumën pastruese, peeling karboni dhe argjilën.

Më poshtë do të gjeni propozimin tonë për një rutinë të përkujdesjes ndaj flokëve 2.0 të përshtatshme për të gjitha llojet e flokëve që mund ta bëni rehat në shtëpinë tuaj.